Режисерот Милчо Манчевски е ангажиран да гостува на „Оксфорд Брукс“ на покана на овој познат универзитет во Велика Британија.
Како што соопшти „Банана филм“, поканата подразбира проекција на „Пред дождот“ и на други делови од творештвото на Манчевски. Предавањето и разговорот со публиката на 22 февруари ќе бидат со фокус на целокупниот опус на Манчевски, со издвојување на улогата на поетскиот јазик во неговиот кинематографски израз.
– Во Оксфорд се изучува „Пред дождот“, добитник на наградата „Златен лав“ во Венеција, на номинација за Оскар и на уште 30 други врвни меѓународни награди. Овој филм, но и целокупниот опус на Манчевски се изучуваат на уште неколку стотини други универзитети ширум светот, од Калифорнија до Кина, од Бразил до Русија, од Австралија до Германија. Овој филм е дел и од наставната програма во средните училишта во Италија, информира „Банана филм“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
