Артуро Видал промаши пенал за Јувентус во финишот на мечот против Чезена, а „старата дама“ ги промаши трите бода со реми, 2-2. Во меч со многу пресврти Чезена поведа со 1-0, па бркаше негатива од 1-2, за во 81. минута Видал да пропушти златна шанса за триумф на „црно-белите“ од Торино, кои не го искористија киксот на главните ривали за титулата, Рома и Наполи.
Во денот за чуда, неделната програма од 23. коло почна со реми на Милан против Емполи (1-1), продолжи со сензација на Парма, која освои еден бод во Рим против Рома, а заврши со нерешен резултат на лидерот Јувентус на гостувањето кај Чезена.
Старата дама сепак остана на врвот со 54 бода, 7 повеќе од Рома и 12 пред Наполи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
