САД им честитаа на премиерот на Србија Александар Вучиќ, косовскиот премиер Иса Мустафа и високиот претставник на ЕУ за надворешна политика и безбедност Федерика Могерини на успехот во дијалогот меѓу Белград и Приштина, објави американскиот Стејт департмент.
– Сакаме да честитаме на премиерите на Косово и Србија и високиот претставник на ЕУ за успехот остварен во разговорите на високо ниво од 9 до 10 февруари, што доведе до потпишување на договорот за правосудство – изјави портпаролот на американскиот Стејт департмент Џен Псаки.
Според Псаки договорот претставува важен чекор напред во процесот за нормализирање на односите меѓу Косово и Србија.
Портпаролот на американскиот Стејт департмент нагласи дека договорот покажува силна посветеност на двете страни за целосно спроведување на бриселскиот договор од 19 април 2013 година и дека САД ќе продолжат со силна поддршка на сите страни на тој пат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Во галеријата на Куќата на Ѓура Јакшиќ во Белград отворена изложба на теракотните икони од Виница
-
Трагедија во Белград: Трамвај излета од шини, еден загинат
-
Во Белград гласаат 24 македонски државјани, третина излегле до 12 часот
-
Тачи го претставил својот план за договор со Србија пред амбасадорите во Приштина
