Груевски во Штип и штипско, останува со граѓаните загрозени од поплавите

Претседателот на Владата на Македонија, Никола Груевски, вечерва останува со граѓаните загрозените од поплавите во Штип и штипско. Во текот на целиот ден, Груевски и министрите за транспорт и врски Миле Јанакиевски, министерката за внатрешни работи Гордана Јанкуловска и заменик министерот за земјоделие Костадиновски одржаа координација со градоначалниците од општините од централна и источна Македонија кои се погодени од поплавите. Потоа премиерот Груевски на терен ги посети жителите на Штипско Ново село, како и браната Кежовица и месностите погодени од полавите во околината на Кежовица. Груевски ги посети и поплавените места во општината Чешиново Облешево.

Утврдени се повеќе критични населени точки по течението на реката Брегалница и тоа Истибања, Виница, Чешиново Облешево, Кочани, Карбинци, Штип и околината на Штип. Се очекува излевање на водата од браната Калиманци, и на речното корито на Брегалница во пределот на Штип. Премиерот Груевски останува во Штип да помага во активностите за евакуација активностите на граѓаните од тие региони.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.