Бронза за Полска, светскиот првак Шпанија без медал во Катар

Полска го освои третиот бронзен медал во историјата на Светските првенства, со победа од 29-28 по две продолженија против актуелниот шампион Шпанија.

Црвената фурија си оди со празни раце, иако ја имаше победата в раце. На 5 секунди до крајот на регуларниот дел се уште актулените светски прваци водеа со 24-23, но Михал Шиба со прецизен удар израмни и го одведе мечот во продолженија. Се играше двапати по 5 минути, а Полјаците повторно беа посмирени во решавачките моменти и со голот на Камил Сипрцак стасаа до победа и бронзен медал.

Токму Шиба со 8 погодоци и Спирцак со шест беа најефикасни кај Полјаците кои ја освоија третата бронза на мундијалите, а Томас со 7 гола беше најефикасен кај поразениот состав.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.