Од денеска до 30 јануари во средните училишта во Македонија ќе се спроведе екстерна проверка на знаењето на учениците од завршните години (трета и четврта), согласно со објавените распореди на интернет-страницата на Државниот испитен центар (prasanjaeksterno.dic.edu.mk).
Министерството за образование и наука соопшти дека на наведената страница е објавен јавен базен со вкупно 50.400 прашања на македонски, албански и на турски јазик, кои ќе бидат дел од тестовите за гимназиско и за стручно образование за сите струки, насоки и предмети.
– Во оваа фаза со процесот на екстерната проверка на постигањата на учениците ќе бидат опфатени вкупно 20.567 ученици од завршните години (трета и четврта година) во 98 средни училишта, како и 3.923 наставници по 2.622 предмети. Резултатите ќе бидат објавени на 2 февруари 2015 година, информира Министерството за образование и наука.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
