Балканските џихадисти: Aлах акбар! Белград е следен

Радикалните муслимани го возвишуваат нападот на францускиот весник „Шарли едбо“ и преку интернет, посебно на босанските портали и на социјалните мрежи, праќаат заканувачки пораки до Србија.

„Доколку има војна, ниеден Србин нема да остане на планетата“, е само еден од коментарите на порталот „Санџак прес“.

„Алах акбар! Следен е Белград“, се вели во друг.

„Јас се надевав на ова. Жал ми е ако има невини жртви, но за овие карикатуристи воопшто…“

„Искрено кажано, многу ми е мило! Штета што нема повеќе мртви! Кој си игра со оган, тој ќе се изгори…Да видиме дали сега повторно ќе си играат…“

Поради опасноста нападите да се прошират низ Европа и Балканот, полицијата ги зголемила мерките за безбедност во Босна и Херцеговина, на цела територија на Србија, а посебно во Санџак и во Рашка.

Во српската Безбедносно-информативна агенција тврдат дека секојдневно спроведуваат активности во рамките на својата надлежност, а посебно во борбата против тероризмот.

– Сите активности ги спроведуваме во соработка со останатите безбедносни служби – БВА, ВОА и специјалните единици на МВР. Кога станува збор за меѓународната соработка, контактите се редовни. Имаме соработка со сите служби, како и со колегите од Франција и им ја нудиме сета помош што им е потребна – велат од БИА.

Извор: Kurir.rs

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.