Многу студено, суво и ветровито време со температура од минус 15 до минус четири степени, а во Скопје минус девет, најавуваат метеоролозите за новогодишната ноќ.
Во текот на денот ќе биде претежно облачно со повремен, слаб снег, особено во јужните делови на земјата. Попладне снежењето ќе престанува и ќе има извесно намалување на облачноста. Ќе дува умерен до засилен ветер, главно од северен правец, кој повеќе ќе биде изразен на повисоките места и на планините.
Утринската температура ќе се движи од минус 15 до минус пет, а дневната од минус осум до минус еден степен.
Во Скопје слично време со утринска температура од минус девет, а дневна до минус четири степени.
До петок ќе се задржи многу студено време, особено во утринските часови, а ќе има и појава на голомразица. Ќе дува северен ветер повеќе изразен на повисоките места и на планините.
Најстудено утро се очекува во петок кога температурата ќе се спушти од -20 до -11 степени. Дневната температура ќе биде во постепен благ пораст и за време на викендот ќе достигнува од -5 до 5 степени.
Од сабота се очекува постепено затоплување, покачување на дневната и на утринската температура.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
