Индонезија утрово продолжи со потрагата по авионот на малезиската компанија Ер Азија кој леташе на релација Сурабаја-Сингапур, а исчезна над Јаванското море со 162 патници и членови на екипажот.
– Продолживме со потрагата по исчезнатиот авион. Тргнавме во правец на источниот остров Белитунг, изјави заменик шефот на оваа операција Татанг Заинудин за агенцијата АФП.
Се претпоставува дека авионот најверојатно се урнал, изјави потпретседателот на Индонезија Мухамед Јусуф Кала, додавајќи дека властите немаат информација за можното место за падот на авионот. Потрагата вчера беше прекината поради ноќта, а дополнителни компликации создава и лошото време, соопшти индонезиското министерство за сообраќај.
Помош во потрагата понудија и Сингапур, Австралија и Малезија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
