Во зоната во која веќе се изведува операцијата на потрага по исчезнатиот Боинг на „Ер Азија“ Сингапур испрати воено-транспортен авион Ц-130 „Херкулес“, соопшти управата за цивилна авијација на Сингапур, цитирана од ТАСС.
– Ние на индонезиските колеги им понудивме помош во операцијата на трагање по авионот, вклучувајќи ја и воената авијација и морнарицата. Добивме барање за обезбедување еден авион – прецизира управата на цивилната авијација.
Во исто време министерот за транспорт на Малезија, Лиу Тонг Лај, изјави дека неговата земја ќе и помогне на Индонезија со три брода и авион Ц-130 „Херкулес“, што, според него, веќе се наоѓаат во зоната на потрагата.
Претставници на индонезиските власти и натаму продолжуваат со потрагата по авионот на „Ер Азија“ што летал од индонезискиот град Сурабаја за Сингапур, крај островот Белитунг.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
