Сообраќајка во Радишани: Две лица повредени и шест возила оштетени

Во сообраќајна незгода која утрово се случила на улица „Бутелска“ во скопско Радишани две лица се повредени, а оштетени се дури шест возила.

Од МВР велат дека од засега непознати причини автомобил „опел зафира“ со скопски регистарски таблици управуван од 26-годишниот Д.М се превртел на патот и удрил во паркирано возило „рено“ со охридски регистарски таблици и уште пет други паркирани возила.

Со телесни повреди се здобиле Д.М и неговиот совозач Е.А. (22) од Скопје и истите се пренесени во билницата „Наум Охридски“.

Полицијата врши увид на местото на настанот.

Фото: Ѕид на сообраќајниот срам

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.