Фени повторно му го зема скалпот на шампионот МЗТ

Во последното коло од есенскиот дел на шампионатот во македонското кошаркарко првенство, Фени Индустри на домашен паркет повторно, по втор пат годинава го победи шампионот МЗТ Скопје со 90-79. Домаќините докажаа дека не била случајна победата во Скопје во „Јане Сандански“ над МЗТ во првиот дел од сезоната.
Во текот на сите 40 минути Фени го диктираше темпото и ја имаше иницијативата и воопшто не дојде во знак прашање кој ќе биде победник. Иако ослабени без своите најдобри играчи Дамјан Стојановски и Марко Симоновски кои се повредни, металците успеаја да парираат само во првотополувреме. За одбележување е најефикасната прва четвртина кога беа постигнати вкупно 69 поени, благодарајќи на безпрекорните напади на двата тима за разлика од одбраната.
Овој период го добија МЗТ со 35-34.
Во второто полувреме одлучија неколкуте серии на домаќините и сконтрентрираниот шут од слободни фрлања. Тие во текот на целиот натпревар промашија само две од 18 обиди.
Адам Кемп ги предводеше Фени до нова победа со 18 поени, а одлична партија пружи Димитар Караџовски кој додаде 17 коша.
Странците во тимот на МЗТ Сеад Сеховиќ со 20 и Алексадар Цветковиќ со 14 поени и девет успешни додавања беа најдобрите кај поразените гости од Скопје.
Двата тима се изнедачија на табелата со шест победи и три порази.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.