Двете големи ѕвезди од НБА, Коби Брајант и Леброн Џејмс блескаа и ги предводеа своите состави Лос Анџелес лејкерс, односно Кливленд кавалирс до победи.
Брајант постигна 32 поени во триумфот на Лејкерс против Сакраменто и се доближи на само 30 поени до третото место на вечната листа со најдобри стрелци во НБА. Пред него се лидерот Карим Абдул Џабар, Карл Мелоун и Мајкл Џордан. Лос Анџелес славеше против Сакраменто со 98-95.
Леброн Џејмс ноќеска беше поефикасен од Коби и со 35 поени го носеше Кливленд до осмата едноподруго победа. Кавалирс беа подобри од Торонто и триумфираа со 105-101.
Триесетката ноќеска ја надмина и Крис Бош во победата на Мајами против Феникс со 103-97. Бош постигна 34 поени за успех на Хит.
Резултати: Кливленд – Торонто 105-101, ЛА Лејкерс – Сакраменто 98-95, Јута – Сан Антонио 100-96, Феникс – Мајами 97-103, Детроит – Портланд 86-98, Мемфис – Далас 114-105, Оклахома – Милвоки 114-101, Њу Орлеанс – Њујорк 104-93.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
