Стинг и Том Хенкс меѓу добитниците на наградата „Кенеди“

Петмина уметници добија награда која ја доделува центарот „Кенеди“ за долгогодишен придонес во американската култура.

На синоќешната церемонија во главниот град на САД, Вашингот, наградите им беа врачени на актерот Том Хенкс, актерката Лили Томлин, музичарите Стинг и Ал Грин и балерината Патриша Макбрајд.

Пред доделување на наградите, во Белата куќа ги поздрави претседателот Барак Обама.

Стинг (63) изјави дека со оваа награда му е оддадена голема почест.

– Знаете, за еден Англичанец да го добие ова признание е голема реткост. Затоа и го сфаќам многу сериозно – изјави Стинг.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.