Облачното време во четвток ќе донесе слаб локален дожд во дел од земјата. Северната половина од Македонија ќе има поголема веројатност за позачестени врнежи, но повторно со напомена дека истите ќе бидат релативно слаби. Повисоките места повторно очекуваат повремен и слаб снег.
Утрото ќе биде значително потопло од претходното. Минималната температура ќе има вредност околу 4° низ котлините. На повисоките места утрото ќе биде малку постудено со минимална околу -1°С.
Максималната температура, слично како и во среда, ќе има вредност околу 7°С во поголем дел од котлините во северниот крај на земјава. Во југоисточниот крај температурата ќе достигне до 11°С, додека во југозападниот регион максималната нема да надмине 7°С.
Во скопската котлина се очекува облачно време, со повремен слаб дожд. Минималната температура ќе има вредност околу 4°С. Дневниот максимум на температурата на воздухот ќе достигне вредност околу 7°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
