Припадници на екстремната исламистичка организација Боко Харам убиле 48 трговци со риба во немирната нигериска сојузна држава Борно, во близина на границата со Чад.
-Голем број борци на Боко Харам во четвртокот го блокирале патот што ги поврзува Нигерија и Чад во близина на рибарското село Дорон Бага, на брегот на езерото Чад, и убиле група од 48 трговци кои во Чад влегле да купат риба – рече денеска претседателот на рибарското трговско здружение Абубакар Гаманди.
Боко Харам во верски измешаната Нигерија се бори за воведување шеријат и во изминатиот период ја презеде одговорноста за смртта на илјадници лица.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
