Лејди Гага ќе ги запали светилките на елката во Рокфелер центарот во Њујорк

Пејачката Лејди Гага ќе ги запали светилките на елката во Рокфелер центарот во Њујорк.

– Да ги запалам светилките на елката, заедно со мојот пријател Тони Бенет е подарок за кој само сум сонувала. Јас сум најсреќната девојка во Њујорк – споделила пејачката на „Твитер“.

Лејди Гага призна дека нема трпение да дојде време за тој специјален момент, додавајќи дека тоа е нејзиниот детски сон.

– Сонувам за тоа уште од дете. Сонував да пеам кога се палат светилките на елката во Рокфелер центар. Секоја година сакав да бидам таму со топло какао – рекла Гага.

Божиќната елка во Рокфелер центарот се смета за симбол на празникот во Њујорк. Прв пат оваа година, за време на церемонијата на палење на светилките, ќе има настапи во живо на светски ѕвезди, а на 7 јануари светилките ќе бидат изгаснати.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.