Во НБА лигата синоќа беа одиграни шест натпревари. Дирк Новицки се запиша во историјата со тоа што го помина Хаким Олајџуан на вечната листа на стрелци во победата на Маверикс над Кингс.
Кошаркарите на Лејкерс продолжија со лошите натпревари. „Езерџиите“ загубија од Мемфис со резултат 107-102. Иако Коби Брајант уфрли 28 поени, сепак успеа да запише негативен рекорд. Ѕвездата на Лејкерс стана првиот кошаркар кој најмногу промашил во историја на НБА.
Екипата на Оклахома без Кевин Дурант и Расел Вестбрук повторно запишаа пораз, овој пат од Милвоки Бакс. Најзаслужни за победата беа Џеј Мејо и Џанис Адетанкумпо кои постигнаа 19 поени, односно 14 коша и 9 скока.
Екипата на Далас предводена од Дирк Новицки славеше над Сакраменто Кингс. На Германецот му беа потребни 17 поени за да се запише во историјата.
Германецот Дирк Новицки се проби на 9.то место на листата на стрелци во НБА лигата откако ноќеска постигна 23 поени во победата на Далас над Сакраменто.
Новицки сега има 26.953 поени и го мина на листата Хаким Олајџувон. Германецот со ова достигнување стана најдобриот стрелец во НБА, кој е роден надвор од границите на САД.
Следниот на оваа листа (8.место) кој е „загрозен“ од Новицки е Елвин Хејс со 27.313 поени.
Резултати од ноќешните натпревари:
Торонто – Орландо 104:100,
Мемфис – ЛА Лејкерс 107:102,
Милвоки – Оклахома Сити 85:78,
Далас – Сакраменто 106:98,
Портланд – Шарлот 102:100,
Голден Стејт – Сан Антонио 100:113.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
