Денеска свечено ќе се отвори библиотеката „Јане Сандански“ во Аеродром

Денеска напладне свечено ќе биде отворена новореновираната библиотека „Јане Сандански“ во општина Аеродром. Библиотеката е целосно реновирана, сменета е електричната инсталација, опремена е со нови плици за книги, екстерно и ентериерно е освежена и преуредена со нов мебел, прозорци, врати итн.

Ова реновирање е дел од низата активности кои, со помош на Град Скопје, ги презема ЈП Градска библиотека „Браќа Миладиновци“ , а следува по големите активности за реновирање и отворањето на Спомен Собата на Миладиновци, набавување на најмодерна опрема за автоматско зачленување- Кобис, и секако издавањето на капиталното издание на Зборникот на Миладиновци на албански јазик.

На свеченото отворање на библиотеката ќе присуствува делегација на Град Скопје предводена од градоначалникот Коце Трајановски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.