Киев денеска соопштил дека на истокот на Украина од Русија влегле 32 тенка со артилериско оружје и со војници, како и тоа дека во тој дел на земјата во последните 24 часа настрадале 5 војници, пренесува „Скај њуз“.
– 32 тенка, 16 подвижни топови и 30 воени камиони „камаз“ со војници влегле во Украина од Русија и се движат кон градот Красни Луч во областа Луганск – изјавил портпаролот на украинската војска Андриј Лисјенко.
Тој додал дека „уште еден конвој камиони кои пренесуваат три радиостаници ја минал границата кај преминот Изварин, кој е под контрола на сепаратистите.
– Пет војници се убиени, а уште се 16 ранети во последните 24 часа во таа област – додал тој.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
