Рама: Посетата на Србија е нов почеток за Балканот

Претстојната посета на Србија е нов почеток за цел Балкан, изјави албанскиот премиер Еди Рама, кој ќе го посети Белград на 10 ноември.

– Ова време бара нов и обединувачки пристап за една иднина која треба да биде подобра за сите наши народи, оставајќи го зад себе тоа од минатото што не спречуваше да тргнеме напред и предизвикуваше многу судири и крвопролевања, треба да го оставиме минатото и заедно да напишеме нова историја за мирот и регионалната соработка – изјави Рама за турската новинска агенција Анадолија.

Тој се осврна и на неодамнешната Конференција посветена на Западен Балкан  во Берлин, под покровителство на германската Влада. Рама конференцијата ја оцени како историска за Балканот.

– Денес ние веруваме дека Балканот и е потребен на Европа исто како што е Европа му е потребна на Балканот. Конференцијата во Берлин отвори нова страница и сега сите ние на Балканот, без да губиме време, треба да изнајдеме нови начини за соработка во многу полиња – посочи Рама, додавајќи оти балканските држави поседуваат голем потенцијал за економски развој, но под услов потенцијалот да се искористи преку регионална соработка

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.