Венчаницата на Мадона се продава на аукција за 60.000 долари

Шон Пен и Мадона

Фустанот на Мадона во кој таа се омажи за Шон Пен во 1985 година, ќе се продава на аукција.

Аукцијата ќе ја организира аукциската куќа „Џулиетс аукшн“ во периодот 7-8 ноември во галеријата во Беверли Хилс, Калифорнија.

Почетната цена на венчаница ќе биде 60 илјади долари, но од куќата велат дека во текот на аукцијата цената може да се зголеми и за трипати.

Фустанот е само еден од околу 140 предмети во сопственост на Мадона, со вкупна вредност од околу половина милион долари. Меѓу нив се издвојува облеката што поп-ѕвездата ја носеше во спотот за песната „Материјална девојка“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.