Нов лидер на албанските џихасти во групата Исламска држава (ИД) е 24-годишниот косовски имам Ридван Хаќифи од Гљилане, јави дописникот на МИА.
Хаќифи, познат под името Ридван ел Албани, кој подолго војувал во Сирија, доаѓа на местото на Лавдрим Мухаџери од Качаник и бил еден од неговите најблиски соработници.
Командантот на Албанците во ИД, Ридван Хаќифи, кој го замени терористичкиот командант Лавдрим Мухаџери, е имам на Исламската заедница на Косово, пишува приштински „Експрес“.
Во средината на август беше пласирана веста дека Мухаџери е убиен при воздушен напад во Сирија, но неговите соборци го демантираа таа. Но, од тогаш него веќе не го споменуваат, а ова е прва вест дека албанските џихадисти имаат нов лидер, што го потврдуваат на социјалните мрежи самите тие.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
