Контрадикторни информации за оваа тема се појавуваат во руските медиуми.
Лидерот на самопрогласената Донецка Народна Република, Александар Захарченко, изјави дека во реонот на градот Красноармејск (донецска област) се откриени околу 400 тела на жени на возраст меѓу 18 и 25 години, информира РИА Новости.
Во времето од кога тие се водат за исчезнати, на територијата дејствувале членови на украинската армија.
Последна информација е дека во масовна гробница во близина на градот се откриени 286 телаот. Жените биле силувани, а потоа убиени со куршум во тилот, а на ова укажуваат раните по главите на жените.
Подоцна Интерфакс соопштува дека Киев ги негира тврдењата на Захарченко.
Министерот за внатрешни работи на Украина, Арсен Аваков, тврди дека неговите зборови се лага и истакна дека се води војна не само со куршуми. Аваков истакна дека и порано имало слични информации, но ниту една од нив не била потврдена.
Самиот Захарченко во интервју за радио „Лајф њуз“, изјавил дека никогаш не зборувал за масовна гробница со 286 убиени жени. Пред медиумите рекол дека раководството на Донецка Народна Република примило 300-400 пријави за исчезнати млади жени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
