Рударот Карло Кани од Италија уште во 1980 година заминал на боледување поради клаустрофобија. Со помош на лекарите никогаш повеќе не се вратил на работа, а во 2006 година се пензионирал. Тој речиси и не работел во рудник пред да замине на 35-годишното боледување.
– Рударството никогаш не ми се допаѓало. Признавам, стасав до пензија ништо не работејќи. Правев се што можев за да не се симнувам во јамата. Во тоа ми помогнаа и лекари, изјавил Карло.
Во меѓувреме, тој користел различни изговори за да го продолжи боледувањето: од клаустрофобија, преку хемороиди, амнезија… Кога му снемало изговори, си ставил прав од јаглен во очите за да изгледа болен.
– Главно, останував дома и слушав џез. Многу ја сакам музиката, уживав и седејќи во фотелја и не работејќи ништо, раскажал тој.
Медиумите во Италија едвај го дочекале случајот за да укажат на законските дупки што Италијанците мошне често ги користат оштетувајќи го државниот буџет.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
