Жена предводник на Курдите во одбраната на Кобане

Мајса Абдо, меѓу борците позната и како Нарин Африн, ги предводи Народните единици за одбрана (YPG) во Кобане.
Како што објави AFP, секуларната и лево ориентираната курдска YPG го брани Кобане, сириски град на границата со Турција од исламистите кои, на 16 септември, покренаа акција за неговото одвојување. YPG е армија на курдските региони од северот и североистокот на Сирија и е моќно и вооружено крило на курдската Партија на демократска унија(PYD).

Како што наложуваат обичаите на курдските борци, 40-годишната Мајса користи псевдоним. Таа потекнува од сирискиот регион Африн, во покраината Алепо.

– Тие што ја познаваат, велат дека е културна, интелигентна и флегматична. Таа се грижи за психичкото здравје на борците и се нивните лични проблеми, изјавил Мустафа Ебди, курдски активист од Кобане.

Традиционално, жените чинат голем дел од курдските воени сили, не само во Сирија, туку и во Турција и во Ирак.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.