Најмалку 14 лица загинаа во протести низ Турција, организирани поради одбивањето на властите да спроведат воена акција против џихадистите на групата Исламска држава и заземањето на делови од курдскиот стратешки град во Сирија, Кобане.
Во протестите одржани во повеќе градови, вклучително и во југоисточниот дел на земјата со мнозинско курдско население, се повредени десетина лица.
Во Истанбул и најмалку шест други градови низ Турција дошло до судири меѓу полицијата и демонстрантите, што протестираа поради напредувањето на џихадистите од ИД.
Демонстрантите во текот на изминатата ноќ поставија барикади во неколку населби на Истанбул и фрлаа со камења и гасни бомби врз полицијата. Полицијата употреби солзавец и водени топови за растурање на протестоте во градовите со претежно курдско население Дијарбакир, Батман, Ван, Сирнак и Хакари.
Џихадистите од ИД во понеделникот заземаа три населби во сирискиот град Кобане, на границата со Турција.
Над 2.000 сириски Курди, меѓу кои жени и деца, се евакуирани од Кобане, додека борците на ИД напредуваат кон центарот на градот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
