САД ќе одделат 2,9 милијарди долари за мировните мисии на ОН

САД планираат да одделат 2,9 милијарди долари за мировните мисии на Обединетте нации за 2015 година.

– Во моментот потребата од меѓународни мировни сили е толку голема, како никогаш досега. За време на една генерација мировните операции на ОН се зголемија за десетпати, изјави американскиот заменик-претседател Џо Бајден по сесијата на Генералното собрание на ОН.

Тој наведе дека сега во светот се распоредени околу 120.000 миротворци.

САД е најголемиот донатор на мировните мисии на ОН. Во 2013 година Вашингтон додела 2,1 милијарди долари, а во 2014 година – 1,9 милијарди.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.