Седумгодишен гостиварец – манекенска ѕвезда во Германија

Малиот, седумгодишен Фатин Билали од Гостивар кој со своите родители живее во Минхен е еден од најбараните модели во Германија, пишува порталот Први.мк.

Веќе четири години, момчето е на насловните страници на магазини и каталози за детска облека и за семејства, не само во Германија, туку и во други европски држави.

Со производителот на чевлите „Саламандер“ има двегодишен договор, а долгорочно соработува и со големиот синџир супермаркети „Кауфланд“, продавниците на „Шустерман и Боренштајн“.

Во портфолиото на момчето се и магазините „Елетрн Фамили“, „Клаусер“, „Бурда“.

Според информациите, 7 годишниот модел е во преговори со „Мерцедес“ и со „Сименс“ за да биде дел и од нивните рекламни кампањи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.