Македонската културна заедница и Македонската православната црковна општина „Св. Наум Охридски“ отворија библиотека во Виена во која може да се најдат книги од македонски автори преведени на англиски и германски јазик.
Библиотеката располага и со книги на македонски јазик, како и дела од автори кои творат на јазиците од останатите етнички заедници во Македонија. Засега во библиотеката има околу 300 книги, но целта е фондот постојано да се зголемува.
Меѓу книгите се наоѓа и делото „Мојата татковина Македонија“, наменето за децата на иселениците, која содржи куса историја и карактеристики на Македонија.
Во чест на петгодишниот јубилеј на Македонска културна заедница, 23 години од Македонско православна црковна општина Св. Наум Охридски Виена, како 20-годишната од воспоставувањето на дипломатските односи меѓу Македонија и Австрија, македонскиот амбасадор Ѓорѓи Филипов предаде околу 200 книги на англиски, македонски и на германски јазик.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст
