Тајланд нема лекари, а лековите се скапи

Претседателката на невладината организација за зачувување на здравјето во Тајланд Супатра Накапев од властите побара поголема грижа за здравјето на луѓето и значајни измени во здравствениот систем на Тајланд. Супатра Накапев ова го побара на форумот што го организираше Националниот Совет за ред и мир, што е цивилното име на воената хунта. Таа извести дека во Тајланд нема доволно лекари, а лекарствата се значајно поскапи во однос на нивните цени во другите соседни држави.

Цените на лековите во Тајланд се високи и поради тоа што болниците и другите здравствени установи, според сегашните прописи, мора директно да ги купуваат од производителите. Таа особено укажа на скапите лекови што се употребуваат во лечење на најмладите.

Претставникот на воената хунта на овој форум вети дека преодната влада сериозно ќе ги разгледа проблемите и дека државата ќе учествува во зголемувањето на бројот на креветите и во јавните и во приватните болници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.