Нов земјотрес во Грција, овојпат погоден Пелопонез

Јужна Грција утринава беше погодена од силен земјотрес со јачина од 5,8 степени по Рихтеровата скала, а засега нема информации за евентуални жртви материјални штети. Епицентарот на земјотресот, како што наведуваат од Геофизичкиот институт во Атина, е локализиран во Критското Море, на 120 километри, источно од Спарта, на полуостровот Пелопонез.

Потресот бил почувствуван и на островот Крит, како и во Атина, а по него следувал и втор удар со јачина од 4,7 степени.

Грчките сеизмолози земјотресот го вбројуваат во оние со средна длабочина и оценуваат дека не треба да предизвикуваат загриженост.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.