Конечно – Анџелина Џоли и Бред Пит се венчаа!

Анџелина Џоли и Бред Пит конечно го изговориле судбоносното да. Најпознатиот холивудски пар се венчал во саботата во Франција.

Веста ја соопштил портпаролот на холивудската двојка, кој рече дека свадбата се одржала во саботата, на 23 август, во Франција.

Актерите се венчале во малата капела на замокот Миравал, во јужниот дел на Франција, во граѓанска церемонија без верски симболи, во присуство на семејството и пријателите.

Како што пренесува АП, сите шест деца на познатиот пар учествувале во церемонијата: Анџелина прошетала до олтарот во придружба на своите два најстари сина, Медокс (13) и Пакс (10), додека нејзините ќерки Захара (9) и Вивиен (6) фрлале цветни ливчиња.

Шајло (8) и Кокс (6) ги следеле носејќи ѕвончиња.

pit 2

Анџелина и Бред добиле дозвола за брак од калифорниски судија, кој допатувал во Франција за да ја изврши церемонијата.

Бред (50) и Анџелина (39) се заедно од 2005 година, кога се сретнаа на снимањето на филмот „Господинот и госпоѓата Смит“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.