Интерпол: Со меѓународна акција против приливот на странски борци во Ирак и во Сирија

Егзекуцијата на американскиот новинар киднапиран во Сирија укажува на потребата од координирана меѓународна акција против зголемениот број странски борци, кои им се придружуваат на екстремистите на Блискиот Исток, предупреди Интерпол.
Во денешното соопштение Интерпол истакнува дека смртта на Џемс Фоли ја отсликува „настраноста“ на групата Исламска држава (ИД) во Ирак и во Сирија и укажува на опасноста за некои други невини луѓе во тој регион.
Интерпол изрази сомнеж дека човекот што се појавува на видеоснимката од егзекуцијата на Фоли би можел да биде Британец.
Се претпоставува дека повеќе од илјада луѓе од Европа им се придружиле на екстремистите во Сирија и во Ирак.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.