Се самоубил газда на познат ресторан

Вчера околу 17 часот зад ресторанот „Имес“ во скопски Карпош се самоубил газда на познат ресторан во трговскиот центар „Лептокарија“, јави „Либертас“.

Извори на порталот тврдат дека газдата Мио си пукал со пушка карабина во која имало само еден куршум и го истрелал директно во своето срце. Овој 45-годишен угостител, наводно, немал долгови и непријатели и, најверојатно, одлуката да се убие ја донел поради семејни недоразбирања со сопругата.

– Пред да отиде кај „Имес“ тој и женаму се караа во неговиот ресторан. Човекот беше супер, имаат едно дете, се познававме и шокиран сум од тоа што го слушнав и видов – вели еден очевидец за „Либертас“.

Полицијата и истражен судија биле викнати на местото каде што се самоубил. Засега нема официјална потврда од МВР за ова самоубиство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.