Околу 300 палестински деца се убиени во Појасот Газа од почетокот на израелската офанзива против исламистичкото движење Хамас, која започна на 8 јули, соопшти денеска УНИЦЕФ.
– Децата се 30 отсто од цивилните жртви и досега тој број изнесува 296, се наведува во соопштението на Детскиот фонд на ОН, додавајќи дека податоците не се конечни и бројката може да биде поголема.
Меѓу убиените деца во престрелките и воздушните напади 187 се момчиња и 109 девојчиња, а 203 од нив се на возраст под 12 години.
Од почетокот на израелската операција во Газа загинале над 1.600 Палестинци. Израел, кој е критикуван од меѓународната заедница за употреба на прекумерна сила, го обвинува за жртвите палестинското движење, бидејќи ги користело мирните жители како „жив штит“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
