Холанѓанец ги изгубил ќерката и внуците во авионската несреќа, па умрел од тага

Несреќата на малезискиот авион кој беше соборен над Украина однесе уште една жртва. 93 годишниот Холанѓанец починал од „неопишлива жал“ предизвикана од загинувањето на неговата ќерка единица, зетот и двете внучиња при падот на Боингот 777, објавило неговото семејство.

Хендрик Палм умрел скршен од болка поради смртта на ќерката Ерл, зетот Роб, внуката Мерел (17) и внукот Марко (12) пишува во посмртницат објавена во локалниот весник Де Стентор.

Во весникот е наведено и дека Палм кој живеел во градот Роде починал во вторникот , неколку дена по несреќата. Роднина на загинатата Ерл за локална телевизија изјавил дека таа највеќе се грижела за нејзиниот татко кој бил вдовец и немоќен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.