Филип Лам се повлече шампионски

Капитенот на германската репрезентација Филип Лам се опрости од националниот дрес откако го освои Светското првенство во Бразил.

Иако оваа година ќе наполни 31 година, Лам одлучил дека сега е вистинскиот момент неговото место да го предаде на младите играчи.

– Во понеделникот на селекторот Лев му соопштив дека се повлекувам. За тоа размислував целата сезона и сум пресреќен што се совпадна да си одам како светски шампион. Им благодарам на сите кои беа покрај мене за целата репрезентативна кариера – изјави Лам.

Лам за германската репрезентација одигра 113 натпревари и постигна пет гола. Дебитираше во февруари 2004 година на пријателски натпревар против Хрватска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.