Ирачкиот премиер Нури ал Малики денеска обвини некои странски амбасади, не наведувајќи за кои станува збор, дека се вмешани во заговори против земјата која е „скршена“ од бунтовниците.
– Некои амбасади се претвориле во бази за средби. Не треба да се отвораат врати пред дипломати од некои земји, кои имаат амбиции за мешање и контрола врз ирачкиот народ, истакна Малики.
Со жестока офанзива сунитската радикална група „Исламска држава во Ирак и Левентот“ успеа да воспостави контрола врз голем дел од Ирак, помогната и од распадот на ирачките безбедносни сили.
Малики и претходно обвинувал регионални сили дека го поттикнуваат бунтовничкото движење во Ирак, каде притисокот на исламистичките екстремисти е поддржано од локални сунити, незадоволни од дискриминацијата од страна на шиитската Влада.
Тој побара денеска од новиот ирачки Парламент да се спротивстави на „распадот на Ирак“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
