Повредено четиригодишно девојче и помала материјална штета се последиците на две сообраќајки во кои учествувале моторцикли а се случиле вчера поладне во тетовско, информираше портпаролот на СВР Тетово Марјан Јосифовски.
– Во првиот случај околу 17 часот и 30 минути на регионалниот пат Тетово Пирок, во Пирок, моторцикл Кавасаки со тетовски регистарски таблички управуван од М.С.(25) од Тетово удирил во четиригодишно девојче кое се здобило со телесни повреди. Тоа со автомобил веднаш било префрлено во тетоската клиничка болница каде по укажаната помош било задржано за понатамошно лекување. Полицијата извршила увид и работи на расчистување на случајот и откривање на причините и околностите на сообраќајката, рече Јосифовски.
Додаде дека, околу 18 часот и 50 минути на локалниот пат Фалише Стримница засега непознато лице кое било на моторцикл удрил во автомобил Рено Меган управуван од Д.Д. (23). Веднаш откао удрил во автомобилот возачот на моторциклот избегал. Врз возилото имало извесни ошетувања но немало повредени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
