Мојата ќерка можеше и подобро!

Мајката на адвокатката Амал Аламудин, која успеа да го освои заколнатиот ерген Џорџ Клуни, не е задоволна од ќеркиниот избор и смета дека можела и подобро да помине и да најде маж од својата вера.

Џорџ Клуни со години предизвикуваше копнеж и воздишки кај припадничките на поубавиот пол, бил во врски со многу убави и успешни жени, но холивудскиот заводник беше неспремен да застане на лудиот камен, сѐ додека не ја запозна Амал. И додека повеќето мајки би биле одушевени од тоа ќерката да им се омажи за славниот актер, мајката на адвокатката не мисли така.

Барија Аламудин, мајка на идната госпоѓа Клуни, воопшто не е задоволна со изборот. Таа сакала ќерка ѝ да се омажи за член на исламската секта Друз бидејќи ја воспитувала Амал во духот на таа вера, која забранува венчавка со лица што не се припадници на заедницата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.