Поради градежните работи за реконструкција на сообраќајна лента на улицата „Димитрие Чуповски“, пред автобуското стојалиште спроти „Рекорд“, трасата на повеќе автобуски линии е изменета. Од ЈСП-Скопје информираат дека линиите на јавен превоз од Исток кон Запад ке бидат пренасочени на следниов начин:
– линиите бр. 3, 3А, 3Б, 5, 7, 7Б, 15, 15А, 21, 21А, 22, 25 кои се движат по бул.„Кочо Рацин“ продолжуваат по ул. „Св.Кирил и Методиј“ (пред Рамстор) и продолжуваат по своите траси.
– линиите бр. 26, 50, 57, 57А и 59 кај градска болница вртат лево по ул. „11 Октомври“ , десно по бул. „Кочо Рацин“ и ул. „Св.Кирил и Методиј“ (пред Рамстор) и продолжуваат по своите траси.
-линијите бр. 4 и 4А од ул.„11 Октомври“ вртат лево по бул. „Кочо Рацин“ и ул. „Св.Кирил и Методиј“ (пред Рамстор) и продолжуваат по своите траси.
-линија бр. 24 од подвозник К.Вода продолжува лево по ул. „Св.Кирил и Методиј“ (пред Рамстор) и продолжува по своjaта траса.
– линијата „Sity tour“ ќе почнува од постојката пред „Жена парк“ и продолжува лево по ул. „11 Октомври“, десно по „Кочо Рацин“, ул.„Св.Кирил и Методиј“ и продолжува.
Во обратен правец автобусите сообраќаат по непроменета траса.
Пренасочувањето ќе трае до завршување на градежните работи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
