Министрите за надворешни работи и за одбрана, Никола Попоски и Зоран Јолевски денеска ќе учествуваат на редовниот годишен состанок на Република Македонија со Северно-атлантскиот Совет на НАТО, на ниво на амбасадори на земјите-членки на Алијансата.
Како што соопшти МНР, согласно воспоставената пракса, на состанокот ќе бидат претставени постигнатите резултати на нашата земја во реализацијата на севкупните реформи предвидени со Акциониот план за членство на Република Македонија во НАТО, со посебен акцент на политичко-економските и обранбено-безбедносните постигнувања.
Со овој состанок ќе биде затворен петнаесеттиот циклус на имплементацијата на Акциониот план за членство на Република Македонија во НАТО за 2013-2014 година.
Посетата на двајцата министри на седиштето на НАТО во Брисел ќе биде искористена и за средба со Заменик Генералниот секретар на НАТО, Александер Вершбоу.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Метју Палмер во Сараево: Македонија може да стане членка на НАТО до средината на 2020 година
-
Пендаровски: Од јануари очекувам да бидеме на иста маса со НАТО
-
Не се очекува земјите од Алијансата да распоредат ново нуклеарно оружје во Европа
-
Захарова: НАТО му ветил на Горбачов дека нема да се шири кон исток
