Генералниот секретар на НАТО Андерс Фог Расмусен денеска изјави дека руските сили повторно се распоредуваат на источната украинска граница, што тој го нарече разочарувачки чекор назад.
– Сега гледаме ново зголемување на бројот на руски војници околу украинската граница. Распоредени се најмалку неколку илјади дополнителни руски војници – изјави Расмусен во Лондон.
Тој тоа го оквалификува како „многу разочарувачки чекор назад“.
– Се чини дека Русија држи отворена опција за интервенција во Украина. Меѓународната заедница би требало да одговори непоколебливо ако Русија интервенира во Украина – изјави Расмусен.
Тој предупреди дека тоа би значело воведување економски санкции од поширок обем против Русија, што ќе имаат „големо штетно влијание врз руската економија“.
Фото: ЕПА
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
