Кај Грците е клучот

Клучот за излез од кризата е во рацете на Грција, но под услов, ако државата продолжи со програмата за финансиска консолидација. Ова го изјави еврокомесарот за економски и монетарни прашања Оли Рен.

Тој наведе дека подлабоката од очекуваната рецесија на економија и високата стапка на невработенбост во Грција е поради политичката нестабилност, како и неимплементирањето на програмата за структурни реформи. Европската комисија прогнозира дека годинава рецесијата во Грција ќе биде 4,4 отсто, а економскиот раст земјата ќе има следната година, кога се очекува пораст на бруто домашниот производ од 0,6 проценти. Според прогнозите стапката на невработеност во Грција годинава ќе биде 27 отсто, а во 2014 година се очекува мал пад на 25,7 проценти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.