Од денеска паркирањето во Дебар маало е бесплатно

Од денеска паркирањето во скопско Дебар маало ќе биде бесплатно. Градот Скопје ја информирал општина Центар дека поради некомлетирана документација не може да стопанисува со паркинг местата во овој дел на градот и побарал сами да ја отстранат сигнализацијата, пренесува „24 Вести“.

Доколку не го сторат тоа, инспекторите на град Скопје ќе ги избришат линиите кои ги обележуваат паркинг местата.

Од општина Центар тврдат дека тие за возврат од градот ќе побараат плаќање на долговите од неколку милиони евра што градот, наводно, ѝ ги должи на општината за комунални такси, односно затоа што градското претпријатие „Градски паркинг“ со години ги користи сервисните улици во Центар и наплаќа за паркирање на површина која е во сопственост на општината.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.