Мали: Белград е подготвен за новиот бран на реките Дунав и Сава

– Белград е подготвен за новиот бран на реките Дунав и Сава – изјави денеска градоначалникот на градот Синиша Мали, пренесува Танјуг.
Околу 200 општински службеници и 500 доброволци изградија насип со должина од 650 метри и висина од 1,2 метри по течението на Дунав во Земун и според градоначалникот со тоа ќе се заштити градот и од највисокото потенцијално ниво на реките.
Српскиот институт за хидрологија денеска објави дека во изминатите денови нивото на реката Дунав ќе се зголеми, но водата ќе остане во границите на заштитните насипи. Градоначалникот на Белград изјави дека во изминатите денови се изградени околу 5,5 километри насипи, употребени се околу 350 илјади вреќи со песок, а уште 50 илјади се наполнети и подготвени да бидат употребени во случај на потреба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.