Наградниот фонд од „Среќно семејство“ дониран во хумани цели

Паричните награди од првото издание на наградниота игра „Среќно семејство“ на ЕВН Македонија беа донирани за хуманитарни организации во земјава и за помош на настраданите во поплавите во Србија, Босна и Херцеговина и Хрватска.

Семејствата на познати личности низ различни игри се натпреваруваа за награден фонд од 300, 500 и 1000 евра. Победници во првото издание на играта беа семејството на Новица Василевски и Татјана Лазаровска кои се натпреваруваа за интернатот „Гoце Делчев“ од с. Љубанци, второто место го освои семејството Црнокрак кое се натпреваруваше за Здружението на граѓани за третман на лица со аутизам, АДХД аспергеров синдром „Во мојот свет“- Скопје, а за Заводот за рехабилитација на деца и младинци – Скопје се натпреваруваше семјството на Авни Ќахили.

ЕВН Македонија двојно го зголеми наградниот фонд од играта со што дополнителните средства ќе бидат донирани за помош на настраданите во поплавите во Србија, Босна и Херцеговина и Хрватска. ЕВН дополнително ќе испрати помош за настраданите во поплавите со вклучување во акциите на Стопанската комора на Република Македонија.

Наградната игра „Среќно семејство“ се емитува на ТВ Алфа секој втор понеделник во 19:15 часот веднаш по завршувањето на централниот дневник. Истиот ден емисијата се емитува и на ТВ Алсат во 22:15 часот на албански јазик. Репризните изданија на наградната игра на двете телевизии ќе се емитуваат за време на викендот.

Секое семејство е потенцијален учесник. Се’ што треба да направите е да ја платите сметката за електрична енергија и да очекувате да бидете извлечени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.