Српскиот премиер Александар Вучиќ апелираше денеска до жителите на Обреновац, каде што ситуацијата е критична, да не одбиваат евакуација и да ги слушаат упатствата на надлежните државни органи.
– Припадници на војската и на полицијата се таму и ги спасуваат луѓето, за два-три часа и јас ќе бидам таму – изјави Вучиќ.
Тој изјави дека досега се извлечени голем број лица и дека засега е важно да се спасат животите, а после ќе мислат за имотите.
– Не можете да опстанете на покривите и високите тераси бидејќи куќите ќе ви се урнат – предупреди Вучиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
