„Рипортерс“ го објавија првиот албум

Музичката група формирана од неколку познати македонски новинари вчера го промовираше нивниот прв албум „Солидарност за слобода“.

„Рипортерс“, поточно, Петрит Сарачини-вокал, Борјан Јовановски -тапани, Миле Бошњаковски – бас гитара, Стојан Трпчевски – вокал и клавијатури, Жарко Димитриоски – соло гитара и Драган Антоновски – ритам-гитара, вчера во „Клуб на новинари“ ги отсвирија нивните веќе познати „Слобода“ и „Пушти глас“, а ги промовираа и останатите нови песни од албумот.

Како гостин на песната „Пушти глас“, тапаните ги свири и новинарот на „Телма“ Панта Џамбазовски, инаку првиот тапанар на „Архангел“. Продуцент на албумот е Трајко Симоновски- Таци.

Средствата од продажбата на албумот се наменети за солидарниот фонд на ССНМ, од кој досега финансиски беа помогнати медиумски работници и новинари . Проектот е поддржан од Амбасада на САД во соработка со ССНМ и ЗНМ.

Фото: Идивиди

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.